Así melloran os videoxogos a intelixencia

Os videoxogos poden aumentar o volume cerebral nas rexións correspondentes á navegación espacial, estratexia de planificación, memoria e habilidades motoras. Ademais, unha práctica asidua desta actividade demostrou ser beneficioso para enfermidades neurodexenerativas como o Alzheimer.

Estas foron as principais conclusións ás que chegaron un grupo de investigadores do Instituto Max Planck para a Universidade de Medicina de Saint Hedwig-Krankenhaus, e que foron publicadas por Nature Publishing Group.

Co obxectivo de descubrir en que medida afectan os videoxogos á plasticidade estrutural do cerebro, é dicir, á súa capacidade de física de cambio, os expertos realizaron un experimento a un grupo de 23 adultos dunha media de idade 24.

Para iso, os voluntarios tiñan que xogar a super Mario 64 durante media hora todos os días e durante dous meses. Estes suxeitos foron comparados posteriormente con outro grupo de persoas que, durante o mesmo tempo, non xogaran a ningún videoxogo.

Dos resultados do experimento extraeuse un "significante aumento de materia gris" en tres áreas do cerebro -na parte dereita da formación do hipocampo, do cortex prefrontal e da bilateral do cerebelo- no grupo dos xogadores con respecto aos outros.

Estas rexións do cerebros son as responsables de funcións como a orientación espacial, planificación estratéxica, desenvolvemento da memoria e das habilidades motoras.

"Este estudo demostra a relación causal directa entre os videoxogos e o aumento do volume cerebral, o que proba que temos rexións específicas do cerebro que poden ser adestradas", afirmou o científico sénior do Instituto Max Planck e líder do experimento, Simone Kühn.

Ademais, os investigadores acharon tamén que xogar a videoxogos pode axudar a retardar as enfermidades dexenerativas do cerebro, como é o caso do Alzheimer.