As mellores Apps para cambiar o mundo?

E é certo que España ocupa o segundo lugar en Europa, tras o Reino Unido, en penetración de smartphones e tablets, descargándose cada día 2,7 millóns de aplicacións; así que paga a pena indagar un pouco máis.

Agora ben, e centrándonos nas apps que tratan de provocar certos cambios, cal é a vida de moitas apps máis alá do ímpeto e campaña de mercadotecnia dos primeiros días? estanse a focalizando en aspectos tradicionais da solidariedade ou tratan de incorporar aspectos innovadores de verdadeira transformación social? Como e cantos usuarios as valoran finalmente? Tivéronse en conta na súa creación e deseño os colectivos aos que tratan de axudar?

É evidente que nos atopamos nun momento incipiente e de eclosión en proxectos deste tipo, polo que máis que sinalar aplicacións que cambiarán o mundo, imos citar algunhas que polo menos o intentan aínda que sexan mellorables. Outras se están a conseguir certo éxito e relevancia e hai un grupo máis que só o tempo e o seu grao de utilización nos dirán se conseguiron ou non o seu propósito inicial. En todo caso, pódese conseguir cambiar algo se non se intenta? 

• Ushahidi: [2] plataforma móbil que permite crear, visualizar e compartir historias nun mapa. Colectivos de diferentes partes do planeta utilizárona para monitorizar eleccións en Venezuela, geolocalizar matanzas de poboación civil en Kenya ou apoiar a axuda humanitaria tras o terremoto de Haití.


• Protest App: [3] con esta aplicación da Organización de Consumidores Españois poderás coñecer e defender os teus dereitos, publicar unha protesta ou compartir unha experiencia


• Cities4all: [4] permite aos turistas con calquera tipo de minusvalidez, ou sen ela, obter un conxunto de guías turísticos accesibles en formatos accesibles para os seus dispositivos móbiles


• Microdonaciones: [5] dende Fundación Hazloposible lanzan a aplicación móbil do seu proxecto de crowdfunding solidario, dispoñible de momento en Android. Diferentes causas ás que doar dende tan só 1 €.


• iRecicly1: [6] onde e como reciclar máis de 350 materiais diferentes.


• Botón Denuncia: [7] permitirá colaborar na protección á infancia informando, de forma anónima e confidencial, de calquera páxina, foro, chat ou outros espazos en Internet nos que se poida apreciar a menores de idade sufrindo abusos sexuais, menores sendo utilizados para accións relacionadas coa pornografía así como situacións de acoso sexual a menores no ámbito de internet. 


• TecSOS: [8] proporciona asistencia ás vítimas de violencia machista, as cales simplemente apertando un botón lles dá contacto directo coa policía.


• Help Bridge: [9] unha sinxela aplicación que lanza Microsoft focalizada no campo das grandes catàstrofes. Aínda que de momento está dispoñible unicamente en Estados Unidos (Android, iOS e Windows Phone), indican que o seu funcionamento se basea nunha lista de contactos que poden manifestar as súas necesidades en situacións de emerxencia. Parece que tamén facilitarà a posibilidade de doar algunhas ONG.

Dende hai algúns meses, cada vez máis ONG estanse a lanzar ao reto de desenvolver as súas propias apps

Para ver a noticia completa pica aquí [10].