O Consello Xeral de Colexios Farmacéuticos e Fundación Vodafone España asinan un convenio para dar soporte tecnolóxico ao Programa ADHÍRETE

A presidenta do Consello Xeral de Colexios Oficiais de Farmacéuticos, Carmen Pena, e o director xeral da Fundación Vodafone España, Santiago Moreno, asinaron un convenio de colaboración co obxectivo de desenvolver o proxecto "Adhírete Móbil". Trátase dunha aplicación móbil, coa que contarán pacientes incluídos no Programa ADHÍRETE, cuxo obxectivo é avaliar a adherencia terapéutica en persoas maiores, con enfermidades crónicas, polimedicadas e incumplidoras. Esta aplicación permitirá alertar ao paciente ou coidador do incumprimento na toma da súa medicación e rexistrala se está se efectuou, o que facilitará un maior control da adherencia. Ademais, os farmacéuticos contarán cun portal web que lles dará a posibilidade de xestionar a medicación dos pacientes incluídos no programa, notificacións, recordatorios, etc.

O Programa ADHÍRETE desenvolverase en 60 farmacias de Badaxoz, Barcelona, Cáceres e Bizkaia, e permitirá pór en valor os servizos asistenciais da Farmacia Comunitaria, conseguindo unha maior adherencia, seguridade e efectividade da medicación, aumentando a calidade de vida do paciente e mellorando a sustentabilidade do Sistema de Saúde. Para iso, está previsto que no mes de outubro se poña en marcha o estudo, no que participarán 225 pacientes, que avaliará o impacto do programa en termos de custo-beneficio e en termos de saúde.

As farmacias participantes no programa desenvolverán un conxunto de servizos asistenciais e empregarán ferramentas de reforzo á adherencia (novas tecnoloxías e sistemas personalizados de dosificación). Este programa está aliñado cos obxectivos do Plan de Futuro de Farmacia Comunitaria e forma parte do Partenariado para o Envellecemento Activo e Saudable da Comisión Europea. Ademais, o Programa ADHÍRETE dá resposta á Estratexia para a Abordaxe da Cronicidade no SNS do Ministerio de Sanidade, Servizos Sociais e Igualdade.

O Programa ADHÍRETE está impulsado polo Consello Xeral e os Colexios Oficiais de Farmacéuticos de Badaxoz, Barcelona, Cáceres e Bizkaia, xunto coa Agrupación Farmacéutica Europea. Para o seu desenvolvemento conta coa colaboración de Esteve e cos apoios ao programa de Fundación Vodafone España e Anota.