'Comunicación accesible que nos achega', vídeotutoriais da Fundación ONCE

Dada a situación de confinamento na que vive a sociedade española pola crise do coronavirus, a Fundación ONCE acaba de poñer en marcha unha iniciativa de videotutoriais baixo o título 'Comunicación accesible que nos achega'.

 

Nestes vídeos explícase de forma sinxela e afable como sacar partido de distintas plataformas de comunicación online que existen na actualidade, tendo sempre presente o punto de vista da accesibilidade.

 

Así, distintos técnicos e responsables da dirección de Accesibilidade Universal e Innovación da Fundación ONCE ensinarannos como poder acceder a Zoom e crear unha reunión, como sacar partido aos distintos asistentes persoais que hai no mercado, e crear documentos accesibles con Word, entre outros.

 

Todos os vídeos iranse colgando na canle de Youtube da Fundación ONCE e difundiranse a través de redes sociais.

 

Vídeotitoriais "Comunicación accesible que nos achega" [3]