PACA e TEO, os robots intelixentes convidados ao Congreso de Tecnoloxía e Turismo da Fundación ONCE

O Congreso Internacional de Tecnoloxía e Turismo para a Diversidade da Fundación ONCE contará entre os seus invitados cos robots PACA e TEO, que interactuarán cos asistentes durante os tres días que dura o evento.

 

PACA é un proxecto da Fundación ONCE desnvolvido por ILUNION Tecnoloxía e Accesibilidade, cuxas siglas en español significan Asistente Cognitivo Persoal e Accesible. Este robot estará na entrada do Congreso ofrecendo toda a información do evento.

Os que acudan a falar con PACA poderán preguntarlle con voz ou mediante texto na pantalla as dúbidas que teñan e o robot responderalles usando ambas as dúas canles, o que permitirá obter a información, tamén para as persoas con discapacidade auditiva.

 

Este robot ten a capacidade de interactuar con persoas a través da voz, texto e imaxes e ofrece información de maneira accesible para persoas xordas, cegas, con discapacidade visual, intelectual, e tamén para persoas maiores.

 

Así mesmo, PACA utiliza intelixencia artificial para axudar ás persoas con discapacidade en varios escenarios, xa sexa nunha viaxe, no traballo ou nun hospital. No futuro, PACA poderá guiar á xente para ir dun lugar a outro, e axudala na realización de tarefas diarias.

 

Pola súa banda, no Congreso tamén estará TEO (Task Environment Operator; Operador na Contorna das Tarefas), un robot desenvolvido polo Robotics Lab do departamento de Enxeñería de Sistemas e Automática da Universidade Carlos III de Madrid.

 

TEO manexa o alfabeto dactilolóxico, que é o abecedario da lingua de signos, ademais dun vocabulario moi básico que ten que ver cos labores do fogar. Un dos retos aos que se enfrontan para seguir desenvolvendo este sistema é a elaboración de xestos máis complexos, con frases completas. O obxectivo máis amplo é que este tipo de robots poidan converterse en asistentes do fogar, que poidan axudar a pasar o ferro, a dobrar a roupa, servir a comida e interactuar cos usuarios en ambientes domésticos.

 

Por segundo ano consecutivo, o Congreso Internacional de Tecnoloxía e Turismo para a Diversidade, organizado pola Fundación ONCE, terá lugar no Palacio de Feiras e Congresos da capital malagueña. Nesta terceira edición mostrará como a tecnoloxía, os destinos turísticos intelixentes, os produtos e servizos melloran a vida de todas as persoas.

 

O Congreso estará aberto a propostas relacionadas coas Tecnoloxías e Servizos de Acceso á Información e a Comunicación, a interacción persoa máquina, o fogar dixital e a vida independente, a robótica para a autonomía persoal, as "smart city", a realidade aumentada, o turismo para todas as persoas, a accesibilidade nos seus distintos aspectos e as regulacións e normas relativas ao turismo. 

 

Expón unha gran diversidade de temas, materias e proxectos de toda índole no campo da tecnoloxía e o turismo para favorecer a integración e inclusión das persoas con discapacidade.

 

O seu obxectivo é mostrar o que a tecnoloxía, os destinos turísticos intelixentes, os produtos ou servizos poden facer polas persoas. "As persoas, os dereitos, a innovación e os produtos e servizos que se ofrecen, son elementos que se deben ter en conta neste século XXI para poder atender as necesidades individuais dentro dunha oferta global".

 

Máis información sobre TTD-Congress 2019 [3].