A Coruña,
21/05/18 (12:31)
- Ambas as entidades celebran na Coruña, Ourense e Vigo unha formación presencial para profesionais do ámbito sociosanitario que queiran desenvolver a súa carreira no ámbito das persoas maiores e o envellecemento activo
A obra social de Abanca, Afundación e a compañía de emprendimiento social activiza! celebran entre o 6 e o 21 de xuño, o curso 'Envellecemento Activo e Saudable' baixo o lema 'Base conceptual, tendencias e ferramentas prácticas para entender a revolución da lonxevidade'. A formación consta de 16 horas presenciais en cada unha das tres edicións que se pode cursar: A Coruña, o 6 e 7 de xuño; Ourense, o 13 e 14 de xuño; e Vigo o 20 e 21 de xuño.
A metodoloxía, impartida por persoas profesionais de activiza! e Afundación é "participativa e baseada na experiencia", matizan os seus responsables, partindo de formulacións teóricas para, posteriormente, "desenvolver dinámicas e exercicios nos que poñer en práctica os contidos teóricos", engaden, "así como adestrar novas habilidades".
En canto ás persoas destinatarias da formación, explican que estes cursos están dirixidos a profesionais do ámbito socio sanitario que queiran desenvolver a súa carreira profesional no ámbito das persoas maiores e o envellecemento activo; que desexen engadir novas ferramentas ao seu labor ou que, ofrecendo os seus servizos dirixidos ao público senior, teñan intención de dirixirse cara ao devandito público. Tamén para estudantes ou emprendedores que busquen orientar o seu desenvolvemento profesional no mencionado sector do envellecemento activo e saudable.
Tema: General
Fuente:
entremayores
[1]