App&Town axuda a persoas con discapacidade cognitiva a moverse de forma autónoma pola cidade

• A aplicación App&Town, desenvolvida pola compañía Mass Factory, busca axudar a persoas con discapacidade cognitiva a moverse de forma autónoma en transporte público

Este programa serve como compañía para os usuarios e vainos guiando paso por paso para chegar ao seu destino.

A aplicación permite que os asistentes e familiares poidan coñecer en tempo real a localización do usuario e sempre está dispoñible un botón de axuda no caso de que a persoa con discapacidade cognitiva o necesite.

Así mesmo, App&Town personaliza as rutas ás capacidades do usuario e mantén unha monitoraxe constante do sistema, da batería, do funcionamento do GPS ou se o usuario se see da súa ruta.

Ademais, a aplicación é accesible para persoas con outras discapacidades, xa que se pode usar con texto e imaxes, só con instrucións sonoras ou só con imaxes.

A aplicación é gratuíta e está dispoñible tanto en Android como en iTunes. Por agora está configurada coas redes de transporte público de Barcelona, coa EMT de Madrid e coa Société de Transport da cidade canadense de Laval.