O Programa de Empregabilidade ‘Todos Incluídos’, elixido como unha das ‘Mellores Ideas do ano’

"Actualidade Económica" selecciona cada ano as iniciativas máis novidosas de cada sector enfocadas a acelerar o crecemento das empresas e mellorar o índice de creación de emprego. Na súa 37 edición, a revista premiou o Programa de Empregabilidade "Todos Incluídos" de Fundación Telefónica, cuxo obxectivo é axudar aos mozos a formarse e adquirir as competencias necesarias para o seu futuro. Este programa inclúe Think Big, Lanzadeiras de Emprego, bolsas e prácticas e Emprego Dixital.

"Sen os mozos non hai futuro e o futuro debería incluírnos a todos". Con esta convicción, Fundación Telefónica lanzou a súa iniciativa "Todos incluídos". Este programa inclúe Think Big, que se desenvolve desde hai anos en España, Alemaña e Reino unido a través do emprendemento social; bolsas e prácticas no ámbito da formación profesional; encontros Hackaton "Todos incluídos"; Lanzadeiras de Emprego, que axudan a lograr as competencias necesarias para mellorar a empregabilidade e a formación; e Emprego Dixital, o proxecto que forma aos mozos nas tecnoloxías con máis demanda laboral. Ademais, a rede social LinkedIn uniuse ao Programa de Empregabilidade co obxectivo de aumentar a visibilidade daquelas persoas novas que estean a buscar traballo.

Este Programa e as súas iniciativas xunto á Compañía de Jesús, Fundación Santa María a Real e Fundación Tomiño, baixo o lema "Incluílos depende de todos", é unha das "Mellores Ideas do Ano" de Actualidade Económica. Uns galardóns anuais que buscan incentivar a innovación e premian os produtos e servizos últiles e innovadores postos en marcha en 2015. A entrega de premios celebrarase o martes 24 de maio en Madrid.

Proxectos de empregabilidade de Fundación Telefónica [3]