FiLIP 2, o smartwatch para ter ben localizados aos mais pequenos

Smartwatches para os máis pequenos? Xa vos ensinamos que había algunha empresa confeccionándoos, como é o caso de FiLIP. Pois eles mesmos volven á carga coa segunda versión do dispositivo.
Ideado para saír ao mercado da man da operadora norteamericana AT&T, e coas datas do Nadal por diante, ten no seu interior un teléfono. De aí a súa relación coa operadora (descoñecemos se funcionará con outra).
FiLIP 2 é esencialmente un pequeno teléfono na boneca, por iso non ten un tamaño comedido, ademais de estar concibido pensando en ser un produto resistente. Moito colorido no seu plástico, formas redondeadas para resultar atractivo.

Ter aos pequenos localizados
Aínda que moitos podemos empezar a pensar que é moi pronto para que os máis pequenos estean relacionados con todo tipo de gadgets, a empresa desenvolvedora pensa en Filip II como un elemento de control e seguridade.
Por exemplo, pódense establecer "zonas seguras", de forma que salte unha alarma se o crío saíu ou entrou nela. Tamén cabe a posibilidade de ter localizado en todo momento ao neno, grazas ás coordenadas que brindan GPS, GSM e WiFi.

Dentro hai un teléfono
Con respecto ás funcionalidades de teléfono, FiLIP 2 pode rexistrar cinco números na axenda, dos que pode recibir chamadas, e tamén realizalas.
Os mozos poden buscar un nome na axenda, chamar e mandar unha mensaxe de localización a un usuario prioritario, que se non contesta, pode ser enviado ao seguinte na lista. Así ata que alguén conteste. A forma de facer saltar o sistema de urxencias é pulsando o botón vermello durante tres segundos:

Vale, a maioría de cousas xa as facía o modelo orixinal, pero aquí melloráronse as aplicacións móbiles - primeiro iOS, máis adiante Android - necesarias para monitorizar e controla-lo reloxo, ademais, a pantalla e o corpo do reloxo fixéronse máis resistentes. Tamén hai novas cores dispoñibles.

Cando costa FiLIP 2? Nos Estados Unidos ten un prezo de 100 dólares, que subirá a 150 dólares ao pasar o nadal. Non parece moi caro, pero o truco do asunto está en que tes que coller un plan mensual de dez dólares coa operadora.

A idea é moi parecida á do LG Kizon, pero a principal diferenza é que no modelo coreano non hai pantalla, e por tanto é moito máis sinxelo en posibilidades para o pequeno usuario.

Podemos interpretar que a xente de FiLIP quixeron crear un elemento intermedio, que evite que os nenos aínda non poidan acceder ao seu primeiro smartphone, pero estean controlados polos pais. Os creadores colocan ao seu produto en nenos por baixo do once anos.