"Mis primeros signos mini", app para aprender a lingua de signos española

"Mis primeros signos MINI" é unha aplicación lanzada pola Fundación CNSE e dirixida a nenos entre tres e oito anos para que coñezan a Lingua de Signos Española. Trátase dunha versión reducida do dicionario de lingua de signos do mesmo nome, publicada no 2004. O desenvolvemento desta aplicación contou co apoio da Fundación Vodafone España e o Ministerio de Educación, Cultura e Deporte.

A aplicación, desenvolvida para dispositivos Android, inclúe máis de 200 signos que poden consultarse en formato de vídeo, de maneira que os usuarios poidan ter unha mellor idea de como signar correctamente.

A aplicación é gratuíta e está dispoñible para descarga desde o Google Play Store.