Google Glass poderá axudar a persoas con problemas de audición

Os desarrolladores seguen traballando con Google Glass e non paran de aparecer novos usos para as lentes de realidade aumentada. A última iniciativa é unha función que pode axudar ás persoas con problemas de audición á hora de manter unha conversación.

Aínda que non hai data oficial de lanzamento, as Google Glass teñen cada vez máis utilidade. Realizáronse distintos desenvolvementos para conseguir dar valor ás lentes de Google, que máis aló do lecer terán usos prácticos. Probouse o uso destas lentes no ámbito hospitalario para a axuda a profesionais e agora tamén se está investigando a aplicación de Google Glass con determinados pacientes.

A universidade Xeorxia Tech desenvolveu unha aplicación para Android encamiñada a que as Google Glass poidan axudar aos usuarios con problemas de audición. A aplicación capta as conversacións a través de teléfonos Android e transfórmaas en texto que se reflicte nas Google Glass. Trátase dunha especie de subtítulos en tempo real que permitirían ás persoas con problemas de audición manter unha conversación rompendo barreiras.

Os investigadores responsables desta aplicación compartiron un vídeo no que xa se pode ver o avanzado estado de desenvolvemento do proxecto. Grazas á realidade aumentada que ofrecen as Google Glass pódese ver como a conversación é fluída e non se precisan de longos prazos de espera entre intervencións.

Este novo desenvolvemento confirma que as posibilidades de Google Glass están aínda por explorarse e o gadget adquire aínda máis valor. Máis aló das opcións de lecer, o uso de Google Glass con este tipo de fins pode ser o verdadeiro valor do equipo.