Tecnoloxía para facilitar a comunicación de persoas con discapacidade auditiva

Xordo Axuda é unha aplicación baseada na tecnoloxía de recoñecemento de voz que facilita a comunicación das persoas con discapacidade auditiva transcribindo en tempo real as conversacións.

Os compañeiros de Orientatech analizaron esta aplicación que, cunha interface moi fácil de usar e de forma gratuíta para teléfonos Android, supón unha ferramenta moi interesante para as persoas xordas ou con perda de audición.

A aplicación capta o audio do interlocutor que se comunica coa persoa xorda e transcríbeo a texto, facilitando a comunicación especialmente no caso de persoas que non sexan signantes.

Como apunta Orientatech na súa análise, que podedes ler aquí ao completo [3], en situacións normais de ruído a precisión da aplicación é bastante boa e está dispoñible en distintos idiomas para aumentar as posibilidades de uso.