A directora da Axencia para a Modernización Tecnolóxica de Galicia (Amtega), Mar Pereira, avanzou hoxe que Galicia contará cunha nova Axenda Dixital para o horizonte 2020 que contará coa achega de expertos, das administracións e da sociedade galega, apostando por un modelo de intelixencia colectiva para acadar unha estratexia de todos e para todos os galegos.
A Consellería de Cultura, Educación e Ordenación Universitaria publica hoxe a resolución definitiva da convocatoria para a posta en marcha do novo proxecto de plataforma de contidos curriculares educativos dixitais, que se implantará no curso 2014/2015 en 84 centros educativos de toda Galicia.