Xunta de Galicia Voluntariado Dixital

Inicio > A Rede > Novas
Logo Ghost.

A Cruz Vermella busca colaboradores para o proxecto GHOST

Versión para impresiónSend by email
Santiago de Compostela, 29/04/19 (08:15)

O proxecto GHOST, financiado pola Comisión Europea a través do seu programa Horizonte2020, ten como obxectivo avaliar unha solución de ciberseguridade en temas de teleasistencia avanzada ou dispositivos intelixentes de saúde. É desenvolvido por dez compañías, organizacións e universidades de seis países europeos.

Cruz Vermella, como entidade participante neste proxecto europeo, busca candidatos para participar no proxecto piloto onde probarán solucións de fogar intelixente dotadas de características melloradas de seguridade e privacidade dos datos.

Requisitos:

  • Ter 65 ou máis anos, ou coñecer a alguén que os teña e queira probar a teleasistencia avanzada a través de sensores de presenza e apertura de porta na súa vivenda. A través da monitoraxe, poderás sentir seguridade no teu domicilio e sempre terás a través do pulsador de emerxencia o respaldo de Cruz Vermella. Unha persoa de confianza terá acceso á monitoraxe do teu domicilio e chegaranlle SMS no caso de que salte algunha alarma de emerxencia (ex. estar máis tempo no baño en horario nocturno do establecido). Todas as alarmas son personalizables (CASO DE USO 1).
  • Ter entre 40 e 64 anos, ou coñecer a alguén que os teña e queira probar dous dispositivos intelixentes de saúde no seu domicilio (báscula e tensiómetro). Poderás facer un seguimento da túa tensión arterial e do teu peso, mentres nos reportas que pensas da ciberseguridade que exerce a solución GHOST sobre os valores resultantes (CASO DE USO 2).

Todo os servizos relacionados con este piloto son gratuítos para a persoa usuaria: instalación dos dispositivos, mantemento, atención proporcionada polos dispositivos, etc.

Que se pide?

  • Entrar de cando en vez na aplicación web da solución GHOST onde verás aspectos como o tráfico de datos da teleasistencia avanzada/dispositivos intelixentes de saúde, se algún hacker te quere amolar, etc.
  • No perfil do CASO DE USO 1, entrar de cando en vez en Carelife para ver se a vivenda monitorada está en orde.
  • No perfil do CASO DE USO 2, medirse a tensión e pesarse unha vez á semana. Eses datos só os verás ti ;)
  • E por último, contestar a algunhas preguntillas fáciles e amenas para poder dicirlle a Europa que nos gusta e que debemos mellorar desta solución de ciberseguridade.

Se estás interesad@ en participar no proxecto GHOST non dubides en contactar coa Cruz Vermella no 981 221 000 extensión 38820. Ou a través do correo electrónico ghostgalicia@cruzroja.es.

Anímate a participar!

Máis información de GHOST:

Tema: Xeral
Fonte: COETG-AETG
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal