Pontevedra,
11/10/18 (10:05)
- 'Cidades intelixentes, saudables e amigables' é o lema deste encontro que se celebrará do 24 ao 26 de outubro
O III Fórum RIES18, baixo o lema 'Cidades intelixentes, saudables e amigables', celebrarase do 24 ao 26 de outubro no Pazo da Cultura de Pontevedra. Organizado polo Cluster da Saúde de Galicia (CSG), e grazas ao éxito de edicións anteriores, este encontro preséntase como un marco de discusión sobre os novos métodos de relación sociosanitaria, os modelos de negocios orientados ás persoas e aqueles servizos enfocados nos cidadáns.
O evento está aberto aos todos os membros do CSG, profesionais da saúde, empresas, usuarios e todos aqueles grupos interesados ou vinculados á saúde. Segundo explica Lucía Saborido, presidenta do comité organizador, "esperamos que os relatores seleccionados, así como os paneis de expertos, talleres e visitas que conforman o programa cumpran coas súas expectativas, mentres os convidamos a participar neste foro para favorecer un ecosistema que fomente un proceso de innovación social que teña o cidadán como o seu eixo central".
O
Fórum RIES18 complétase coas exposicións e relatorios dun equipo de expertos relacionados coa rede europea de ecosistemas de saúde á cal pertence o
CSG e que lideran a rexión de Galicia; varios debates de carácter rexional, nacional e europeo sobre tecnoloxías ou proxectos actuais e de futuro en saúde; e diversos talleres prácticos ao redor das principais temáticas do encontro: os avances tecnolóxicos na mellora da saúde, mobilidade, tecnoloxía, relacións interxeneracionais, envellecemento activo e outros.
No programa desta edición destaca a presenza, entre outros expertos, do profesor e investigador da Paris I-Pantheon Sorbonne e presidente de InTI (Innovación, Tecnoloxía e Investimento), Carlos Moreno, e da fundadora e presidenta do Israel Smart City Institute, Edna Pasher, que falarán sobre tecnoloxías da información ao servizo da saúde neste tipo de urbes.
Tema: Xeral
Fonte:
entremayores