Xunta de Galicia Voluntariado Dixital

Inicio > A Rede > Novas
Rede Europea de Innovación pola Inclusión.

Máis de 100 organizacións uníronse á Rede Europea de Innovación pola Inclusión

Versión para impresiónSend by email
Santiago de Compostela, 02/08/18 (14:54)

Estes 103 membros que forman parte da Rede Europea de Innovación pola Inclusión son organismos da administración pública, autoridades locais, fundacións, asociacións, empresas e universidades. Algúns deles participaron na segunda convocatoria de boas prácticas que impulsou a Rede e que aínda está aberta ata o 7 de setembro. A través da selección e difusión de boas prácticas, esta convocatoria pretende fomentar a inspiración entre as organizacións e profesionais que traballan pola inclusión sociolaboral das persoas con maiores dificultades, así como ser compartidas e integradas a nivel europeo. Os dous membros finalistas e o gañador de cada categoría daranse a coñecer no VI Foro Europeo de Emprego e Emprendemento Inclusivos, que se celebra en Madrid o 3 de outubro na Fundación Telefónica. 

Este cento de organizacións centran a súa actividade no impulso do desenvolvemento socioeconómico inclusivo, na investigación e na cooperación transnacional. Os colectivos cos que traballan son, na súa maioría, persoas en situacións de vulnerabilidade como desempregados de longa duración, migrantes e persoas refuxiadas e mozas que non se incorporaron ao mercado laboral.

Alicia García-Madrid, xestora de programas europeos de inclusión social en Acción contra a fame, explica que "o feito de que existan máis de 100 entidades membro supón un maior enriquecemento e mellores resultados no intercambio de boas prácticas, xa que, a maior número de organizacións, maiores posibilidades de compartir mellores prácticas". Isto tradúcese, en definitiva, en máis e mellores oportunidades de inclusión sociolaboral en Europa. O que está a funcionar en España poderíase replicar en Italia, ou o que funcione en Bélxica poderíase implementar en España, por poñer exemplos. O obxectivo sempre é construír un mercado laboral europeo máis inclusivo.

 

Por que as organizacións do sector se unen á rede europea de innovación pola inclusión"

En menos dun ano superáronse as previsións ao lograr máis de 100 entidades membro na Rede. Este feito demostra que as entidades recoñecen e valoran as vantaxes que lles ofrece estar dentro:

  • Estar ao día das convocatorias europeas relacionadas coa inclusión social e laboral de colectivos vulnerables e buscar socios e entidades para presentar propostas de proxectos, xa que o lazo común da Rede contribuirá a unha mellor valoración das propostas de proxectos europeos que presenten.
  • Facer difusión das actividades que estean a realizar e que sexan interesantes compartir co resto dos membros.
  • Descubrir outras experiencias para a inclusión sociolaboral que lles permitan reflexionar e mellorar así os seus propios programas.
  • Participar na convocatoria de boas prácticas, e no caso de finalista ou gañador, participar na visita de estudo e no grupo de traballo de cada categoría. 

 

VI Foro de Emprego e Emprendimiento Inclusivos

Estas organizacións reuniranse na sexta edición do Foro Europeo de Emprego e Emprendimiento Inclusivos, que dedicará a xornada para tratar as "Experiencias e tendencias en innovación social pola inclusión". O obxectivo do evento é compartir as iniciativas europeas máis innovadoras que promoven a inclusión sociolaboral a nivel europeo, coñecer as novidades do sector a través das mesas de debate e relatorios, e fomentar a creación de alianzas entre os distintos asistentes.

Tema: Xeral
Fonte: Acción contra el hambre
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal