Xunta de Galicia Voluntariado Dixital

Inicio > A Rede > Novas
Metade dunha cara anciá xunto a unha metade dunha cara nova.

Vigo acolle dous cursos de envellecemento activo e saudable

Versión para impresiónSend by email
Vigo, 14/06/18 (15:56)

Activiza "unidade de innovación, formación e consultoría de Saraiva", en colaboración coa entidade Afundación e os espazos 60, organiza dous novos cursos de 'Envellecemento activo e saudable'. A cita será os días 20 e 21 de xuño, na sede de Afundación  de Vigo "rúa Policarpo Sanz 26, 2ª planta".

O obxectivo desta formación é aproximar aos asistentes ao envellecemento activo, ofrecéndolles, en primeiro lugar, unha base teórica deste concepto, así como enumerando os retos e oportunidades que brinda a denominada revolución da lonxevidade. Así mesmo, trátase, segundo sinalan desde Activiza, de entender as diferentes modalidades de intervención neste ámbito e o rol do dinamizador. Doutra banda, o curso pretende dar a coñecer e como aplicar ferramentas áxiles e de pensamento creativo para o deseño de actividades de envellecemento activo e saudable.
 
A formación está dirixida a: Profesionais do sector sociosanitario que queiran desenvolver a súa carreira profesional no ámbito das persoas maiores e o envellecemento activo; profesionais do ámbito sociosanitario que xa leven a cabo programas de intervención ou actividades no campo do envellecemento activo e queiran reciclarse e/ou incorporar novas ferramentas de traballo; profesionais que ofrezan servizos ao público sénior ou queiran dirixirse a este público; e estudantes ou emprendedores que queiran orientar a súa carreira profesional neste campo.
 
Tema: Xeral
Fonte: entremayores
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal