Xunta de Galicia Voluntariado Dixital

Inicio > A Rede > Novas
Unha persoas suxeita un teléfono móbil encima dunha mesa na que hai un café.

Duplex, a última tecnoloxía de google que fala por teléfono de forma autónoma

Versión para impresiónSend by email
Santiago de Compostela, 14/05/18 (12:45)

Google aproveitou a súa conferencia anual para presentar un dos seus grandes desenvolvementos no que leva anos traballando: Google Duplex, un sistema que leva un paso máis aló os asistentes xa que realiza automaticamente chamadas reais para cubrir as necesidades do usuario.

Basicamente, o sistema entende as peticións do usuario e realiza automaticamente as xestións. Por exemplo, na presentación o conselleiro delegado da compañía, Sundar Pichai, mostrou chamadas reais realizadas por este sistema pedindo cita nunha barbería ou reservando mesa nun restaurante.

O usuario só ten que pedir por voz ou texto ao teléfono que lle pida cita na barbería o mércores ás 12, e Google Duplex encargarase automaticamente de realizar a chamada e manter a conversación coa barbería para levar a cabo a reserva.

Seguramente o máis impactante do sistema é que a conversación que mantén o sistema non é cun sintetizador de voz convencional, senón que soa totalmente natural de maneira que, nos exemplos mostrados por Pichai, o interlocutor humano non soubo que estaba a falar cunha máquina.

En resumo, Google Duplex mantén conversacións reais por teléfono utilizando intelixencia artificial, aforrando tempo ao usuario.

Na presentación o responsable da compañía centrou o público obxectivo da súa nova tecnoloxía en empresas e usuarios que queren aforrar tempo. Con todo, un dos maiores impactos será en persoas con discapacidade que non poden ou teñen dificultades para manter unha conversación.

Sen dúbida eles serán os maiores beneficiados por este sistema xa que, grazas á súa tecnoloxía, poderán comunicarse e realizar accións que doutra maneira terían que pedir a outra persoa.

Tema: Xeral
Fonte: Tecnobility
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal