Xunta de Galicia Voluntariado Dixital

Inicio > A Rede > Novas
Videotutoriais "Me @dministro".

ASPAYM e a Fundación Vodafone España lanzan videotutoriais sobre o uso do DNI Electrónico, do Certificado Dixital e do Sistema Cl@ve

Versión para impresiónSend by email
Santiago de Compostela, 19/05/17 (11:36)
  • Os videotutoriais “Me @dministro” promocionan os principais sistemas identidade dixital en España, fomentando o uso do DNI Electrónico, do Certificado Dixital da Fábrica Nacional de Moeda e Timbre (FNMT) e do Sistema Cl@ve, a través de exemplos

 

A Federación Nacional ASPAYM, contando coa participación da escola de audiovisuais da Fundación do Lesionado Medular e en colaboración coa Fundación Vodafone España, realizou tres videotutoriais sobre a utilización dos sistemas de identidade dixital de uso predominante en España.

Os videotutoriais “Me @dministro”, dispoñibles na canle YouTube de ASPAYM e na canle da Fundación Vodafone España  pretenden achegar a toda a poboación as numerosas posibilidades que ofrece realizar trámites e xestións telemáticas, que coa chegada do DNI Electrónico (DNIe), a ampla aceptación do certificado dixital da FNMT e a creación do novo Sistema Cl@ve supoñen a porta de entrada á incorporación e dispoñibilidade de cada vez máis servizos electrónicos, da máis diversa índole, con toda a conveniencia, flexibilidade e comodidade que levan estes servizos.

A utilización destes servizos electrónicos e, en particular, os servizos das administracións públicas na vida cotiá son unha poderosa ferramenta para potenciar a autonomía e o empoderamento persoal.

O proxecto “Me @dministro” contou coa participación de persoas con discapacidade, non só como beneficiarios últimos dos seus produtos e contidos, senón tamén na súa creación, desenvolvemento e expansión.

De igual modo, para a realización destes videotutoriais, contouse coa Escola de Audiovisuais da Fundación do Lesionado Medular, que permitiu desenvolver un produto audiovisual dinámico, didáctico e de calidade grazas ao seu equipo de profesionais, tamén persoas con discapacidade.

Por parte da Administración, contouse coa participación do Corpo Nacional de Policía, que a través da División de Documentación asesorou e facilitou as súas instalacións para a realización do videotutorial sobre o DNIe, en particular coa xestión do DNIe e a utilización dos chamados “Puntos de Actualización de DNIe”.

Tema: Xeral
Fonte: Fundación Vodafone España
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal