Xunta de Galicia Voluntariado Dixital

Inicio > A Rede > Novas
Unha man suxeita un teléfono coa aplicación Amuse fronte a unha escultura nun museo.

A OMT premia a tecnoloxía Amuse da Fundación ONCE e Ilunion

Versión para impresiónSend by email
San Petersburgo, 12/09/19 (08:16)

A Organización Mundial do Turismo premiou a tecnoloxía de Amuse, impulsada pola Fundación ONCE e desenvolvida por Ilunion Tecnoloxía e Accesibilidade, que axuda ás persoas con discapacidade visual a moverse polos museos e a acceder á información dispoñible.

Amuse recibiu o premio á innovación en organizacións non gobernamentais que a OMT entregou na clausura da Asemblea Xeral deste organismo internacional celebrada en San Petersburgo.

Esta tecnoloxía está baseada nas balizas intelixentes Beepcons de Ilunion e ten como obxectivo facilitar e enriquecer as visitas de persoas con discapacidade aos museos.

Amuse é útil aos usuarios tanto a través dunha visita guiada, coma se a persoa con discapacidade se move libre polas instalacións, xa que é capaz de indicar a localización das obras e facilitar o acceso á información.

Nesta información, Amuse incorpora vídeos e audios explicativos da obra que se presenta. Uns vídeos que ofrecen a información tanto en lingua de signos como con audiodescripción para garantir a súa accesibilidade.

Tema: Xeral
Fonte: Tecnobility
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal