Xunta de Galicia Voluntariado Dixital

Inicio > A Rede > Novas
Fotografía da entrega dos premios en Almagro.

A tecnoloxía de Cóntoche para nenos con discapacidade auditiva, Premio Reina Letizia

Versión para impresiónSend by email
Almagro, 11/07/19 (12:25)

Hai un tempo falámosvos da aplicación Cóntoche, desenvolvida pola Fundación CNSE e que busca achegar a lectura a nenos con discapacidade auditiva a través da lingua de signos. Esta tecnoloxía recibiu o Premio Raíña Letizia na súa categoría de Tecnoloxías da Accesibilidade.

A aplicación permite aos nenos ler contos en lingua de signos e crear as súas propias historias, de maneira que lles axuda a achegarse á lectura superando a barreira que en moitas ocasións pode supoñer a súa discapacidade.

A idea de Cóntoche é que esta tecnoloxía se utilice polo conxunto da familia, de maneira que se fomente o hábito da lectura no fogar.

Este concepto e o desenvolvemento da app valéronlle á fundación a recepción deste premio, un dos máis importantes en materia de tecnoloxía accesible que se outorgan en España, nun evento celebrado no Corral de Comedias de Almagro, coincidindo co Festival Internacional de Teatro Clásico.

Tema: Xeral
Fonte: Tecnobility
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal