Xunta de Galicia Voluntariado Dixital

Carteira de servizos

APOIOS DIXITAIS

O APOIO DIXITAL é o modo no que os voluntarios ofrecen a súa axuda e os seus coñecementos para que os participantes no proxecto poidan achegarse ás novas tecnoloxías

O APOIO DIXITAL é o servizo principal que ofrecerá o novo programa de voluntariado ós colectivos de actuación do proxecto través de dúas modalidades:

  • Voluntariado presencial: impartirase directamente dende as aulas tanto públicas como privadas adscritas á Rede as cales poden ser:
    • Aulas Rede de Centros de Modernización e Inclusión Tecnolóxica (CEMIT)
    • Aulas aportadas polos mecenas dixitais
    • Bibliotecas públicas
    • Aulas aportadas polas entidades de acción voluntaria que soliciten apoios dixitais
    • Centros sociocomunitarios …
  • Voluntariado virtual: impartirase de maneira virtual aproveitando as posibilidades que ofrecen as novas tecnoloxías, sempre e cando así o soliciten as entidades de acción voluntaria
Busca de información en Internet
Correo electrónico: webmail
Internet para persoas maiores
Uso seguro de Internet (menores e familias)
Seguridade informática: protexe o teu ordenador de virus informáticos
Comunicación en tempo real por internet
Uso das Redes Sociais
Compras seguras a través de internet
Opera co teu banco a través de internet
Contidos dixitais
Descarga a túa música de forma legal
Crea unha base de datos para organizar as túas coleccións
Organización de viaxes
Cámara Dixital
Libros electrónicos: lee e edita o teu
Aplicacións para móbiles para atopar sitios e ofertas
Retoque de fotografía
Creación dunha base de datos
Creación de páxinas web
Búsqueda de emprego a través de Internet
DNIe
Trámites electrónicos: Oficina Virtual
Creación dun Blog

DOAZÓN DE EQUIPAMENTO TECNOLÓXICO

A través deste servizo, o programa Voluntariado Dixital actúa como canle de unión entre as necesidades en materia de equipamento informático detectadas polas Entidades de Acción Voluntaria adheridas ao programa e as cesións realizadas por outras entidades colaboradoras.

Así, as Entidades de Acción Voluntaria adscritas ao Programa Voluntariado Dixital que precisen equipamento tecnolóxico para mellorar os servizos que prestan aos colectivos cos que traballan poden solicitalo e, no caso de que haxa equipamento disponible, VolDIX encargarase de xestionar a cesión e o envío.

Procedemento de solicitude

Se es unha Entidade de Acción Voluntaria e precisas equipamento TIC só tes que enviar un correo electrónico a voluntariadodixital@xunta.es co asunto “Solicitude de equipamento- Nome da Entidade”, indicando os seguintes datos:

  • Equipamento que se precisa (nº de PCs, nº de pantallas…)
  • Datos da persoa de contacto (Nome, apelidos, teléfono e email)
  • Datos da entidade solicitante (Nome, CIF e enderezo postal)
  • Datos da persoa responsable de asinar a recepción do equipamento (Nome, apelidos e cargo na entidade)
  • Enderezo do lugar de recepción do equipamento (só no caso en que non coincida co enderezo da entidade)
  • Obxectivos: breve descrición do uso previsto para o equipamento.

As solicitudes atenderanse en riguroso orden de recepción e, no momento en que se dispoña de equipamento cedido, porémonos en contacto contigo.

Xunta de Galicia
© Xunta de Galicia. Información mantida e publicada na internet pola Xunta de Galicia
Suxestións e queixas | Aviso Legal | Atendémolo/a
Galicia